What are Siday

 Siday means"poetry"in Eastern Visayas it includes all forms. of poetry from the durogas to the lyric and from poetry to the modernist poetry of the academe.

And the most common language used in Siday is the waray-waray which is a native language in the Eastern Visayas region here in the Philippines 

Here's some SIDAY or poems created by skilled writters:

INOP

Written By: JOHNDSIMBORIOS

Tubtob diin an akos nga lupad han im mga pako? Ngain diin adton akos han im mga sugbong? Aadto pa ha igbaw adton bulawan nga im ginhihinangyo - Aadto pa, naghuhulat nga hi ikaw makatungtong Dit han balitang nga natugkad hadton dalan Nga tikadto han im hangyo nga bulawan. Lupad la, di maiha masangpot ka ngat ha igbaw, Lupad la, hiaabtan gihap nimo an im tan-aw.

---------------------------------------------------------------------

AN PAGKABALI-OS HAN ATON KASINGKASING

Written By: FD DOORS

Mamingaw, pero nakakabungol Nakakabungol, pero diri mo nababatian Diri mo nababatian, pero maaram ka Maaram ka, pero nadiri ka pag yakan Nadiri ka pag yakan, pero karuyag mo nga masab'tan ko Karuyag mo nga masab'tan ko, pero nagpabilin ka nga mamingaw.

---------------------------------------------------------------------

RESPETO

Written By: ERNILO A. MARAYA

May dignidad tanan nga tawo Bisan mapobre man o mariko. Angay ine tagan hin pagrespeto Kay kita nga tanan in papreho.

Ayaw hunuhunaa nga labaw ka Ha iba nga tawo ayaw pamintaha, Ayaw pagtamaki it katungod nira Kay bangin umabot ha im it gaba.

Dire hira tagan hin pag paka-alo Ha atubangan hit iba nga tawo Kun ito liwat buhaton ha imo Di ka maayon sigurado la ako.

Respeto it kinahanglanon ta Para ngatanan in magka urusa, Respetohan it aton tagsa-tagsa Kay ha Ginoo papreho la kita.

---------------------------------------------------------------------

PAG-AMPO

Ha panahon hit kalipayan ko Nagpapasalamat ako haimo Nangangaraba ako haimo Ha oras hit akon kasubo

Nagtatangis nagngunguyngoy ako Nangangamuyo han kalooy mo Ikaw la it akon tinatawagan Ikaw la it akon sinasandigan

GINOO Hadi ka han akon kalugaringon Ikaw an magburuot ha akon Pamatii kami Amay nga makagarahom An imo kalooy ihatag ha amon.

---------------------------------------------------------------------

IKAW LA, WARAY IBA

sinurat ni: JHEN BOLECHE TIOZON

Diri ako perpekto, sugad hiton permi yakan mo Maabot iton higayon nga ako makakasala haimo Di ko gad karuyag nga magin hinungdan panuro hit em luha Andam ko saluhon an kasakit maproteksyunan kala.

Unta mapara ko haim dughan an kasakit nga nabuhat Diko man igsasaad, pero di na ako magliliwat An kahadlok han kasingkasing bPero iton panahon duro gud kamaintrimis Ha bisan ano nga hirot, alimpatakan ko nalaris Makuri huna-hunaon nga napasakitan ko ikaw Pinaagi hin pulong nga ha akon baba ginataw

Mahapdos hin duro ha dughan ine nga higayon

Kay waray ko katuman an akon haimo mga pulong

Siring ko pa haimo nga magtatalinguha ako

Maihatag ko la iton makakalipay Haimo.

agan bata nga may ugmad Tungod kay lus-ay nga gugma it akon haimo ginhahalad.

Pamatian mo unta inin akon mga araba Waray ko iba nga ginhihigugma kundi ikaw la Salit ayaw huna-hunaa nga may ada ako iba Kay inin akon kasingkasing ikaw la it gin uungara.